Садыр Жапаров алдыдагы шайлоодо президенттикке талапкерлигин көрсөтүү жөнүндө БШКга арыз менен кайрылды

Бүгүн, 10-ноябрда, президент Садыр Жапаров алдыдагы шайлоодо президенттикке өзүн-өзү көрсөтүү тартибинде талапкерлигин көрсөтүү жөнүндө арыз менен Борбордук шайлоо комиссиясына (БШК)  кайрылды.

10-ноябрга карата БШКга президенттикке талапкерлерди көрсөтүү боюнча жалпысынан алты арыз келип түштү.

Президенттик шайлоодо талапкерлерди көрсөтүү мөөнөтү 13-ноябрга чейин белгиленген.

Кезектеги президенттик шайлоо 2027-жылдын 27-январында өткөрүлө тургандыгы тууралуу Жогорку Кеңеш 24-сентябрда чечим кабыл алды.

6-ноябрда Исхак Масалиев Кыргыз Республикасынын президенттигине өзүн-өзү көрсөтүү тартибинде талапкерлигин көрсөтүү жөнүндө арыз менен Борбордук шайлоо комиссиясына (БШК) кайрылды.

4-ноябрда Акай Кыдыров президенттикке өзүн-өзү көрсөтүү тартибинде талапкерлигин көрсөтүү жөнүндө арыз менен Борбрдук шайлоо комиссиясына (БШК) кайрылды. 

27-октябрда Азамат Эсенбеков кайрылган. 14-октябрда Аймен Касенов президенттикке өзүн өзү көрсөтүү тартибинде талапкерлигин көрсөтүү жөнүндө БШКга арыз берген.

28-октябрда Сыймык Жапыкеев президенттикке өзүн-өзү көрсөтүү тартибинде талапкерлигин көрсөтүү жөнүндө арыз менен Борбордук шайлоо комиссиясына (БШК)  кайрылды.

Президенттик шайлоого катышуу ниетин Өмүрбек Суваналиев, Эмил Жамгырчиев билдирди.

Сүрөт: БШК