Кыргызстан коронавирус менен күрөшүүгө 1,1 млрд сом бөлөт

Жаңылыктар

19-мартта Жогорку Кеңеш жыйынында премьер-министр Мухаммедкалый Абылгазиев коронавируска каршы күрөшүү боюнча маалымат берди.

Өкмөт башчынын маалыматы боюнча, саламаттык сактоо министрлигине - 30 млн сом, өзгөчө кырдаалдар министрлигине - 21 млн сом, ветеринария жана фитосанитария коопсуздугу инспекциясына- 5 млн сом бөлүндү.

“Экономиканы колдоого 400 млн сом бөлүндү. Андан тышкары эки мамлекеттик банк буудай менен алектенген ишкерлерге 8 % менен 800 млн сом бөлдү. Мамлекеттик резервдер фондуна 411 млн сом бөлүндү. Жалпысынан бул 1,1 млрд сомдук чечим” деди Абылгазиев.

“Кытайдын импортунун жоктугунан 2 млрд 80 млн сом жоготтук. Башка көрсөткүчтөр боюнча да жоготуулар бар” деди премьер-министр.

18-мартта Кыргызстанда үч кишиден коронавирус аныкталды. Сузак районунда өзгөчө кырдаал киргизилди.

19-мартка карата дүйнөдө коронавирустан каза тапкандардын саны 8810 кишиге жетти. Коронавирустан 84 113 киши айыкты.

Дүйнөлүк саламаттык сактоо уюму коронавирус пандемия мүнөзүнө өттү деп жарыялады.

ЖаңылыктарКыргызстанкоронавируспандемияМухаммедкалый АбылгазиевЖогорку Кеңеш