Зилзала: Кыргыз куткаруучулары Хатай шаарында урандылар алдынан дагы 3 кишинин өмүрүн сактап калды
- 1 год мурун
- Видео
Бүгүн, 18-февралда, зилзала болуп өткөн Түркиянын Хатай облусунун аймагында кыргыз куткаруучулары 13-күн дегенде урандылар алдынан аман-үч кишини алып чыгышты.
Алдын ала маалымат боюнча алар бир үй-бүлө мүчөлөрү болгон. Куткаруучулар ата-энесин жана бир баласын аман-эсен куткарып чыгышкан. Ал эми дагы 2 баласы каза болуп калган.
Бул тууралуу өзгөчө кырдаалдар (ӨКМ) министрлигинин басма сөз кызматы билдирди
Ушуну менен кыргыз куткаруучулары урандылар арасынан 8 адамды аман-эсен алып чыгышты.
6-февралда саат 04:17де Түркиянын жети провинциясында очогунда күчү 7,4 (7,6-7,7) баалга жеткен жер титирөө катталганы маалым. Жер титирөөнүн очогу Газиантеп шаарынан 26 чакырым жерине туура келген . Андан соң Адана, Анкара, Анталья, Газиантеп, Кайсери, Мерсин, Трабзон, Урфада, ошондой эле Сирияда жана Ливанда болгон.
Сүрөт: Интернет булактарынан.
