Шадыбеков УКМК төрагасынын орун басары – Киберкоопсуздукту камсыздоо борборунун директору болуп дайындалды

Уранбек Шадыбеков Улуттук коопсуздук мамлекеттик комитетинин төрагасынын орун басары – Улуттук коопсуздук мамлекеттик комитетинин Киберкоопсуздукту камсыздоо боюнча координациялык борборунун директору болуп дайындалды.

Бул тууралуу тескемеге президент Садыр Жапаров кол койду.

Буга чейин Даниэл Рысалиев УКМК төрагасынын орун басары — УКМКнын Киберкоопсуздукту камсыздоо боюнча координациялык борборунун директору кызматынан бошотулду.

Улуттук коопсуздук мамлекеттик комитетинин (УКМК) төрагасынын үч орун басары кызматтан бошотулду.

Президент Садыр Жапаров кол койгон жарлыкка ылайык, Конституциянын 70-беренесинин 1-бөлүгүнүн 4-пунктуна, 71-беренесине ылайык, Ташиев Камчыбек Министрлер кабинетинин төрагасынын орун басары — Улуттук коопсуздук мамлекеттик комитетинин төрагасы кызматынан бошотулду.

Жумгалбек Шабданбеков Улуттук коопсуздук мамлекеттик комитетинин төрагасынын милдетин аткаруучу болуп дайындалды.

Сүрөт: president.kg