Шаардык сот Канатбек Исаевдин бөгөт чарасы боюнча райсот чечимин өзгөртүүсүз калтырды
- 2 года мурун
Бишкек шаардык соту Жогорку Кеңештин экс-депутаты Канатбек Исаевдин бөгөт чарасын өзгөртүү боюнча аппеляциялык арызды карап, Биринчи май райондк сотунун аны 23-декабрга чейин тергөө абагында камоо чечимин күчүндө калтырды.
Бул тууралуу Канатбек Исаевдин жакындары билдирди.
Саясатчы, Кемпир-Абаддды коргоо комитетинин мүчөсү Канатбек Исаев Биринчи май райондук сотунун чечими менен бир айга камакка алынган.
Кемпир-Абадды коргоо комитетинин мүчөлөрү Кыргызстанда башаламандык уюштурууга шек саналып эки айга камакка алынды. Мындай чечимди 24-октябрда жана 25-октябрга караган түнү Бишкектин Биринчи май райондук соту чыгарды.
Ички иштер министрлигинин (ИИМ) Тергөө кызматы кылмыш жаза кодексинин 36-278-беренеси («Массалык башаламандыктарды уюштурууга даярдануу») менен козголгон кылмыш иштин алкагында тергөө жүргүзүп жаканын маалымдалган.
Сүрөт: RFE/RL
