Кыргызстандык куткаруучулар Түркиядагы зилзала болгон аймакта жардам берүүдө
- 2 года мурун
- Видео
Кыргызстандык куткаруучулар Түркиянын зилзала болгон аймагында куткаруу иштерин жүргүзүп жатышат. 9-февралда эртең менен алар урандылардын алдынан 19 кишинин сөөгүн табышты.
Бул тууралуу КР өзгөчө кырдаалдар министрлигинин басма сөз кызматы билдирди.
6-февралда кыргызстандык куткаруучулар катуу жер титирөө катталган Түркияга кыргызстандык 63 куткаруучу жардамга жөнөтүлгөн.
6-февралда саат 04:17де Түркиянын жети провинциясында очогунда күчү 7,4 баалга жеткен жер титирөө катталганы маалым. Жер титирөөнүн очогу Газиантеп шаарынан 26 чакырым жерине туура келген . Андан соң Адана, Анкара, Анталья, Газиантеп, Кайсери, Мерсин, Трабзон, Урфада, ошондой эле Сирияда жана Ливанда болгон.
Акыркы маалыматтарга караганда, Түркияда жана Сирияда зилзалада каза тапкандардын саны 12 миңден ашты.
Сүрөт: КР ӨКМ басма сөз кызматы.
