БШК №13 шайлоо участогундагы добуш берүү жыйынтыгын жокко чыгарды

Бүгүн, 3-декабрда, Борбордук шайлоо комиссиясы парламенттик шайлоодо (БШК) №13 шайлоо участогундагы добуш берүү жыйынтыгын жокко чыгаруу чечимин кабыл алды.  

БШК жыйынында бөлүм башчы Махабат Кожокеева шайлоо учурунда талапкердин байкоочулары 35 участокко камера коюп, добуш берүү учурун көзөмөлдөп турушканын айтты. Бул добуш берүүнүн купуялык принцибин бузуу болуп саналат.

Аталган №13 участокто 65 миң 16 киши катталган, алардын ичинен 30 миң шайлоочу добуш берген, бул 39,44%ды түзөт.  

Жыйынтыгында БШК №13 шайлоо округундагы добуш берүү жыйынтыгын жокко чыгаруу чечимин кабыл алды.

Бул округда 14 талапкер катталган: Бактыбек Сыдыков, Талант Мамытов, Айбек Алтынбеков, Чынара Жураева, Гүлназ Нурбаева, Сайдулла Нышанов, Өлмаскан Султанова, Гүлназ Жээнбекова, Жаныбек Курбаналиев, Мунара Маматалиева, Айбек Саипов, Нурланбек Кенжебаев, Айгүл Карабекова, Мейкинбек Абдалиев. Бул талапкерлер кайталап добуш берүүгө катыша албай тургандыгы айтылды.

Баштапкы маалыматтарга караганда, аталган №13 шайлоо округунан Бактыбек Сыдыков, Айбек Алтынбеков, Айгүл Карабекова жеңүүчү болгон.

Социалдык тармактарда добуш берүү учурунда мобилдик телефон коюп коюу боюнча видео тасма жарыяланган. Облустук милиция iPhone 13 Pro Max телефону комиссия мүчөлөрүн жана добуш берүү учурун тартып жатканын айткан.

№13 шайлоо участогундагы кайра шайлоо бир айдын ичинде болмокчу.  

Жогорку Кеңештин VIII чакырылышынын депутаттарын шайлоого добуш берүү 30-ноябрда өттү.

БШК парламенттик шайлоонун АСУдан алынган баштапкы жыйынтыктарын жарыялаган.

Талапкер Элдар Абакиров парламенттик шайлоодогу №26 Чүй-Токмок-Кемин округу боюнча мыйзам бузууга байланыштуу кайрылуу жасады.  

Борбордук шайлоо комиссиясы (БШК) округдук шайлоо комиссиясынын протоколдорунун маалыматтарынын негизинде парламенттик шайлоого добуш берүү аяктагандан кийин 13 күндүн ичинде же 14-декабрга чейин добуш берүүнүн жыйынтыгын чыгарат.

Буга чейин да Борбордук шайлоо комиссиясынын төрагасы Тынчтык Шайназаров (БШК) билдиргендей, шайлоо мыйзамдарын бузуу боюнча жалпысынан 267 кайрылуу-билдирүү түшкөн. Алардын 124ү – үгүт шарттарын бузгандыгы тууралуу, 37си – талапкердин ар намысына шек келтиргендиги тууралуу, административдик ресурстун колдонулгандыгы тууралуу — 8 арыз, добуштарды сатып алуу боюнча – 41, калган 51 арыз – ар кандай маселелер.

Иллюстрациялык сүрөт: shailoo.gov.kg