Бишкекте катуу шамалдын кесепеттерин жоюу иштери жүрүүдө
- 4 недели мурун
- Фоторепортаж
Бишкек шаарынына мэр Айбек Жунушалиев түндө төрт райондун акимдери жана кызматтардын жетекчилери менен катуу шамалдан жабыркаган объектилерди жана аймактарды кыдырды.
Жеринде шаардык кызматтарга кесепеттерди тез арада жоюу тапшырмасы берилди.
Бишкекте жана Чүй облусунун аймагына кечээ, 28-мартта, «өзгөчө кырдаал» режими киргизилди.
Кечээ, 28-мартта, Бишкек жана Чүй облусунун аймагында саат 16:20 чамасында ылдамдыгы 18-26 метр секундга жеткен катуу шамал болуп, кыйроолор жана жабыркагандар катталган.
Шамал ишкекте 25 турак жайдын, Чүй облусунда алты социалдык мекеменин жана 15 үйдүн чатырын алып кеткен.
Келтирилген материалдык чыгымды тактоо иштери жүрүп жатат.
Бишкек мэриясы катуу шамалдын кесепетинен 19 билим берүү мекемеси — 11 мектеп жана сегиз бала бакча жабыркаганын кабарлады. Алардын көбүнүн чатырлары талкаланып, мектеп жана бала бакчалардын тегерегине бак-дарактар кулаган.
Сүрөттөр: Бишкек мэриясынын басма сөз кызматы
