Активист Өндүрүш Токтонасыровдун иши боюнча сот процесси кайра башталды
- 2 месяца мурун
Жарандык активист Өндүрүш Токтонасыровдун иши боюнча сот процесси кайра башталды.
Бул тууралуу укук коргоочу Гүлшайыр Абдирасулова Фейсбук баракчасында билдирди.
Өндүрүш Токтонасыров кылмыш жаза-кодексинин 330-беренеси (расалык этникалык, улуттук, диний жана регион аралык кастыкты козутуу) боюнча айыпталууда.
Буга чейин эки жолу экспертиза дайындалганына карабастан, сот мамлекеттик экспертизаны кайталап дайындаган.
Жарандык активист Өндүрүш Токтонасыров 2023-жылы 1-июлда ички иштер министрлигинин тергөө кызматына сурак берип чыккан.
Өткөн жылы 30-июнда кечки саат 9 чамасында белгисиз төрт киши Өндрүүш Токтонасыровду Сокулук районунун Лесное айылынан машинага салып, белгисиз жакка алып кетишкен. Ал үч сааттай дайынсыз болгон. Жарандык активистке жакшылап түшүндүрбөй, үй- бүлөсүнө кабар бербей, суракка чакыруу кагазын жөнөтпөй, колун кайрып туруп, машинага салып кетишкендиги маалым болгон.
Сүрөт: Интернет булактарынан
