БШК Бишкек шаар кеңешинин шайлоосун жокко чыгаруу чечимин колдоду
- 3 года мурун
Борбордук шайлоо комиссиясы аймактык шайлоо комиссиясынын Бишкек шаар кеңешине шайлоонун жыйынтыгын жокко чыгаруу тууралуу чечимин күчүндө калтырды.
Аймактык шайлоо комиссиясы 12-майда Бишкек шаардык кеңешине добуш берүүнүн жыйынтыгын жокко чыгарган.
Буга Кыргызстан элдик демократиялык партиясы , “Эмгек” жана “Ак Бата” партияларынын шайлоодон четтетилгени, добуштары жараксыз деп табылганы негиз болгон.
11-апрелде Кыргызстанда жергиликтүү кеңештерге шайлоо өткөн. Бишкек шаардык кеңешине жети пайыздык босогодон “Эмгек”, “Ак-Бата”, Кыргызстан элдик демократиялык партиясы, “Ата-Журт Кыргызстан”, “Ынтымак”, “Биздин Эл” партиялары өткөн.
Муну бөлүшүү
