Жарлык: Бишкек, Ош, Жалал-Абад шаарларында, Ат-Башыда өзгөчө абал узартылды
- 4 года мурун
Президент Сооронбай Жээнбеков бүгүн, 28-апрелде, кол койгон жарлыкка ылайык Бишкек, Ош, Жалал-Абад шаарларынын жана Нарын облусунун Ат-Башы районунун аймактарында өзгөчө абал 2020-жылдын 10-май күнүн кошуп эсептеген мезгилге чейин узартылууда.
Аталган жарлык кол коюлгандан тартып күчүнө кирет жана Жогорку Кеңешке бекитүү үчүн жиберилет.
Коронавирус жайылышына байланыштуу Бишкек жана Ош шаарларынын, Ош облусунун Ноокат жана Кара-Суу райондорунун, Жалал-Абад шаарынын жана Жалал-Абад облусунун Сузак районунун аймактарында өзгөчө абал 2020-жылдын 30-апрелине чейин узартылган.
15-апрелден тартып Нарын облусунун Нарын шаарынын жана Ат-Башы районунун аймагында 2020-жылдын 15-апрелинен саат 08.00дөн баштап 2020-жылдын 30-апрелине саат 08.00гө чейин өзгөчө абал киргизилген.
Өкмөт Коопсуздук кеӊешинин сунушуна ылайык, 22-марттан баштап өлкө аймагына өзгөчө кырдаал режимин киргизген.
Сүрөт: Интернет булактарынан.
