​Түптө бир тууган эки бала муздаткычта калып, жан берген

Жаңылыктар

Ысык-Кол облусунун Туп районунун Михайловка айылында алты жана үч жаштагы бир тууган эки бала муздаткычтын ичинде калып, жан берди.

Бул тууралуу ички иштер бөлүмүнөн билдиришти.

3-июнда болжолдуу саат 11:55 те 2013-жылы жана 2016-жылы туулган бир тууган эки бала үйдун тегерегинде ойноп жатып эле табылбай калган.

Кечки саат 17:00 ге чейин издешип, аларды акыры муздаткычтын ичинен табышкан. Ал убакта балдар жан берген.

«Мир» аттуу алар кирген муздаткыч ичинен ачылбайт экен.

Бул окуя кокустук катары катталган.

Иллюстрациялык сүрөт: Интернеттен.

ЖаңылыктарЫсык-КөлТүпМихайловкамуздаткычжан берди