Ак-Сууда турак үйдөн чыккан өрт өчүрүлдү
- 3 месяца мурун
Бүгүн, 21-январда, Ак-Суу районунун Жыргалаң айылындагы Комсомол көчөсүндө турак үйдөн өрт чыккандыгы жөнүндө тоо кырсыгынан куткаруу кызматынын 7-өзүнчө мобилдик тоо кырсыгынан куткаруу взводуна маалымат берилген.
Өзгөчө кырдаалдар министрлигинин басма сөз кызматы билдиргендей, жерине аталган взводдон 4 куткаруучу саат 07:47де чыккан болсо, Ак-Суу районунун №39 Өрткө каршы куткаруу бөлүгүнөн 1 күжүрмөн эсеп саат 08:06да тартылган.
Тилсиз жоо саат 10:32де толук өчүрүлдү. Ал эми турак үйдөн чыккан жалын сарайга да өтүп, өрттүн жалпы ээлеген аянты 110 чарчы метрге жеткен. Күйгөн тактайлар куткаруучулар тарабынан чыгарылган. Адам өмүрүнө зыян келген эмес.
Сүрөттөр: ӨКМ
Муну бөлүшүү
