Жанар Акаев: «Мегакомду», «Кыргызтелекомду» Ширшовдун колуна карматпадыкпы
- 3 года мурун
- Видео
Депутат Жанар Акаев бүгүн, 18-майда, өкмөттүн төрт ири мамлекеттик ишкананы Санариптик өнүктүрүү министрлигине өткөрүп берүү тууралуу токтомун жокко чыгаруу керек деген пикирин айтты.
-«Телеком» менен «Мегаком», макул, Санариптик өнүктүрүү министрлигине багыты жакын. Торпеда, ок-дары чыгарган «Дастан» заводунун эмне тиешеси бар? Ушундай чоң стратегиялык объектилерибизди, банкты, 3 миллион абоненти бар «Мегакомду», ири жер аянты бар «Кыргызтелекомду» Ширшовдун колуна карматпадыкпы. Бул токтомду жокко чыгарыш керек. Акылбек Жапаров ал жерге дата-борбор курабыз деп жатат. «Кыргызтелекомдо» имарат толтура, дата-центр биздин президиумдай жерге эле батат» деди депутат Жанар Акаев.
Бүгүн, 18-майда, Жогорку Кеңештин жалпы жыйынында депутат Дастан Бекешев да мамлекеттик мүлктүн Алексей Ширшовго өтүп кетип жатканын айтып өттү.
