Өзбекстанда кезексиз президенттик шайлоо өтүп жатат
- 10 месяцев мурун
Бүгүн, 9-июлда Өзбекстанда кезексиз президенттик шайлоо өтүп жатат.
8-майда азыркы президент Шавкат Мирзиёев мөөнөтүнөн мурда шайлоо дайындоо тууралуу конституциялык мыйзамга кол койгон.
30-апрелде референдум өтүп, Конституцияга өзгөртүү киргизүүнү добуш берүүгө катышкан шайлоочулардын 90,21% колдогон.
Президенттикке элдик-демократиялык партиядан Улугбек Иноятов, “Адолат” социал-демократиялык партиясынан Робахон Махмудова, экологиялык партиядан – Абдушукур Хамзаев жана либерал-демократиялык партиядан – Шавкат Мирзиёев ат салышууда.
Жаңы Баш мыйзамга ылайык, президенттик мөөнөт эми беш жылдан жети жылга узартылат.
66 жаштагы өлкөнүн азыркы президенти Шавкат Мирзиёев экинчи мөөнөткө мамлекет башчысы болуп 2021-жылы шайланган. Ал 9-июлда мөөнөтүнөн мурда өтө турган шайлоодо жеңишке жетсе, бул кызматта кошумча дагы 14 жыл калууга мүмкүндүк алат.
Мирзиёев президенттик кызматка алгачкы жолу 2016-жылы, мурдагы мамлекет башчысы Ислам Каримов 78 жашында каза болгондон кийин шайланган.
Сүрөт: Өзбекстан БШК.
