“Сосновка” жана “Арал” постторунда жеңил унааларга чектөө алынды
- 3 недели мурун
22-январда саат 22:20да Бишкек — Ош унаа жолунун «Сосновка» жана «Арал» постторунда жеңил унааларга киргизилген чектөө алынды. Ал эми оор жүк ташуучу унааларга чектөө бар.
Бул тууралуу өзгөчө кырдаалдар министрлиги (ӨКМ) билдирди.
22-январда Жайыл районундагы «Сосновка» постунда саат 06:20дан, ал эми Токтогул районунун “Арал” постунда саат 06:30дан тартып оор жүк ташуучу унаалардын бардык түрүнө убактылуу чектөө киргизилген.
Мындай чечим Бишкек – Ош унаа жолунда жол тайгак жана бороон болгондугуна байланыштуу кырсыктардын алдын алуу, жарандардын кырсыкка кабылуусуна жол бербөө жана жол тыгындарын болтурбоо максатында кабыл алынганы белгиленди.
Сүрөт: ӨКМ
Муну бөлүшүү
