Шейх Аль Нахайян жана Абдулазиз падышанын чокусу: Мыйзам долбоору ЖКда кабыл алынды

Бүгүн, 5-октябрда, Жогорку Кеңеште Бириккен Араб эмираттарынын шейхи Заед бин Султан Аль Нахайян жана Сауд Аравиясынын падышасы Абдулазиздин ысымдарын Кыргызстандагы Ак-Шыйрак тоо кыркаларынын аты жок чокуларына ыйгаруу боюнча мвйзам долбоору кабыл алынды.

Мыйзамдын демилгечиси-Министрлер кабинети.

Мыйзам долбоору боюнча Кыргызстандагы Ысык-Көлдүн Жети-Өгүз районунун Ак-Шыйрак тоо кыркаларында жайгашкан № 354  мөңгүгө Бириккен Араб Эмираттарынын шейхи “Шейх Заед бин Султан Аль Нахайян” ысмы ыйгарылат. Ал эми Ысык-Көл облусунун Жети-Өгүз районунун Ак-Шыйрак тоо кыркаларындагы  № 331 мөңгүгө  Сауд Аравиясынын падышасы Абдулазиздин ысымы ыйгарылат.   

Аталган эки мамлекет Кыргызстанга каржылык колдоо көрсөтүп келгендиги белгиленүүдө.

Заед бин Султан шейхи – Бириккен Араб Эмиратынын негиздөөчүсү жана биринчи президенти. 30 жылдык башкаруусунда биринчилерден болуп Кыргыз Республикасынын эгемендүүлүгүн тааныган. 2022-жылдын декабрь айында эки өлкө ортосунда миллиард доллардан ашык келишимге кол коюлган. Сауд Арабиясынан мамлекеттик ипотекалык компанияга 100 млн. доллар келет. Абдул Азиз – Сауд Арабиясынын биринчи падышасы.

Сүрөт: Интернет булактарынан.