ӨКМ: Суучулдар Ысык-Көлдүн түбүн тазалоодо
- 1 месяц мурун
- Жаңылыктар
Бүгүн, 8-сентябрда, Ысык-Көлдүн түбүн тазалоого 15 суучул тартылып, алар суу алдын ар кандай таштандылардан арылтуу иштерин жүргүзүүдө.
Бул тууралуу Өзгөчө кырдаалдар (ӨКМ) министрлиги билдирди.
“Суучулдар Ысык-Көлдүн түбүнө түшүп, экологияга жана көлдүн тазалыгына терс таасирин тийгизе турган таштандыларды суудан чыгарышууда. Ысык-Көлдүн тазалыгын сактоодо ар бир жаран таштандыларды атайын белгиленген жайларга гана таштап, жаратылышка аяр мамиле кылуу менен көлдүн экологиялык абалын сактоого салым кошо алат” деп айтылат маалыматта.
Сүрөт: ӨКМ
Муну бөлүшүү
