Казакстандын Алматы облусунда өзгөчө абал киргизилди
- 2 года мурун
Казакстандын Президенти Касым-Жомарт Токаев Алматы облусуна өзгөчө абал киргизүү боюнча жарлыкка кол койду.
Бул тууралуу мамлекет башчынын сайтында жазылды.
Өзгөчө абал 2022-жылдын 5-январынан 19-январга чейин киргизилди.
Коменданттык саат 23төн эртең мененки саат 8ге чейин созулат.
Буга чейин Маңгыстау облусунда жана Алматы шаарында өзгөчө абал киргизилген.
Казакстандын Жаңы-Өзөн, Актау баштаган бир нече шаарында газдын кымбатташына каршы акция 2-январдан бери уланууда. 4-январда митингдер Нур-Султан, Алматы, Актөбө, Караганды, Атырау, Орол жана башка шаарларда да уланды. Акциянын катышуучулары акыркы эки күндөн бери өкмөттүн кетишин жана башка саясий талаптарды айтып жатышканы кабарланган.
Сүрөт: Интернет булактарынан.
Муну бөлүшүү
