Доктор Эрнст Акрамовдун сөөгү Ала-Арча көрүстөнүндө жерге берилди
- 2 недели мурун
- Фоторепортаж
Бүгүн, 27-ноябрда, Кыргыз эл Баатыры, медицина илимдеринин доктору, профессор Эрнст Акрамов менен коштошуу зыйнаты Абдылас Малдыбаев атындагы опера жана балет театрында өттү.
Коштошуу зыйнатына Министрлер кабинетинин төрагасынын орун басары Эдил Байсалов, Жогорку Кеңештин вице-спикери Нурланбек Азыгалиев, депутаттар жана дарыгерлер, маркумдун жакындары жана шаардыктар катышты.
Кыргыз Республикасынын Баатыры, көрүнүктүү окумуштуу-хирург, мамлекеттик жана коомдук ишмер Эрнст Акрамов 89 жашында дүйнөдөн кайтты.
Эрнст Хашимович 1936-жылы 24-июнда Фрунзе шаарында жарык дүйнөгө келген. 1960-жылы Кыргыз мамлекеттик медициналык институтун артыкчылык диплому менен аяктап, хирург дарыгер катары өзүнүн карьерасына баштап, республикадагы кадыр-барктуу адистердин бири болду. 1992-жылы Чүй облустук ооруканасынын жалпы хирургия бөлүмүн жетектеп, аны алдыңкы медициналык мекемеге айландырды. 2023-жылы ооруканага анын урматына ысмы ыйгарылды.
Сүрөттөр: med.kg
Башкы сүрөт: Интернет булактарынан
