Кегети суусуна кулаган унаа ичиндеги 6 жашар баланын сөөгү табылды  

Бүгүн, 26-июнда, Кееги суусуна кулаган унаанын ичиндеги 6 жашар баланын сөөгү табылды.

Бул тууралуу Чүй облустук ички иштер башка башкармалыгы билдирди.  

23-июнь күнү Чүй районундагы Кегети капчыгайында «Фольксваген Пассат» үлгүсүндөгү автоунаа сууга түшүп кеткен. Окуянын кесепетинен автоунаанын ичиндеги 12 жаштагы кыз менен 6 жаштагы бала агып кеткен.

Аталган факты боюнча маалымат Чүй РИИБге катталып, окуянын бардык жагдайларын аныктоо боюнча текшерүү иштери башталган.

Издөө-куткаруу иш-чараларынын жүрүшүндө 12 жаштагы кыздын сөөгү табылган. Ал эми 6 жаштагы бала азыркы убакка чейин табыла элек болчу.

Үч күнгө созулган издөө иштерине Чүй ОИИББдин, Чүй райондук ички иштер башкармалыгы, Чүй милициясынын кайгуул-күзөт кызмат полкунун, Өзгөчө кырдаалдар министрлигинин кызматкерлери жана элдик кошундар катышты.

Кегети капчыгайында унаа дайрага кулап, эки жаш баланы суу алып кеткен. 23-июнда Кегети капчыгайында унаа дайрага кулап кеткен. Унаада беш киши, анын арасында эки жаш бала болгон.

Сүрөт: Токой кызматы