БШК Жогорку Кеңештин депутаттарын шайлоого дагы 54 эл аралык байкоочуну аккредитациялады

Борбордук шайлоо комиссиясы (БШК) бүгүн, 2-ноябрда, Жогорку Кеңештин депутаттарын мөөнөтүнөн мурда шайлоого эл аралык 54 байкоочуну аккредитациялады.

БШКнын токтому менен эл аралык байкоочулар катары төмөнкү өкүлдөр аккредитацияланды:

 Азербайжан,  Түркия, Молдова, Грузия, Армения,  Мальдив,-Босния жана Герцеговина, Казакстандын-Борбордук шайлоо комиссиясынын,

— Астана шаарындагы Венесуэла Боливариан элчилигинин,  Кыргыз Республикасындагы Франция элчилигинин, Кыргыз Республикасындагы Европа Биримдигинин өкүлчүлүгүнүн, КМШ парламенттер аралык ассамблеясынын,- Европадагы Коопсуздук жана Кызматташтык Уюмунун (ЕККУ),- Парламенттик Ассамблеясынын, Россия коомдук палатасынын өкүлү.

Бардыгы болуп 54 байкоочу аккредитацияланды.

2-ноябрга карата жалпы 127 эл аралык байкоочу аккредитацияланган.

Жогорку Кеңештин депутаттарын мөөнөтүнөн мурда шайлоо 2025-жылдын 30-ноябрына дайындалды.

Жогорку Кеңештин депутаттарын шайлоону өткөрүү үчүн 30 көп мандаттуу шайлоо округу түзүлдү, алардын ар биринде Жогорку Кеңештин 3төн депутаты 5 жылдык мөөнөткө шайланат.

Иллюстрациялык сүрөт: Интернет булактарынан