Мээрим Жуманазарова Дүйнө чемпионатынын финалына чыкты
- 3 года мурун
Кыргызстандык балбан Мээрим Жуманазарова кыз-келиндер күрөшү боюнча Дүйнө чемпионатынын финалына чыкты.
Жуманазарова дүйнө биринчилигинин жарым финалында россиялык Ханум Велиева менен күч сынашып, таймашты 3:3 эсебинде аяктады. Бирок акыркы аракетти кыргызстандык балбан кыз жасаган үчүн ага артыкчылык берилди.
Эми ал финалда япониялык Рин Мьядзи менен кармашат. Финалдык беттеш эртең, 7-октябрда, болот.
Эскерте кетсек, ушул күндөрү Осло шаарында өтүп жаткан спорттук күрөш боюнча Дүйнө чемпионатында кыз-келиндер күрөшү боюнча Айсулуу Тыныбекова алтын, эркин күрөш боюнча Эрназар Акматалиев күмүш жана Алибек Осмонов коло медалды багындырды.
Кыргызстандын атынан Дүйнө чемпионатына жалпы 15 балбан аттанган.
Муну бөлүшүү
