Парламент бүгүн кезексиз жыйынга чогулат
- 4 года мурун
Бүгүн, 10-октябрда Жогорку Кеңештин 6-чакырылышынын депутаттары кезексиз жыйынга чогулат.
Жыйында президенттин Бишкек шаарынын аймагына өзгөчө абал киргизүү тууралуу жарлыгы, өкмөт башчылыкка көрсөтүлүп жаткандардын талапкерлиги, спикердин милдетин аткаруучу Мыктыбек Абдылдаевди бекитүү маселелерин карашат.
6-октябрда Премьер-министр Кубатбек Бороновдун отставкага кетүүгө арыз бергени маалым болгон. Анын ордуна депутаттардын бир бөлүгү Садыр Жапаровдун талапкерлигин сунушташкан.
9-октябрда «Республика», «Ата Мекен», «Бир бол» жана «Реформа» партиялары «Акыркы Үмүт» деген саясий коалицияга биригип, Өмүрбек Бабановду Премьерликке көрсөтүшкөн.
Муну бөлүшүү
