​21-майдан баштап кайсы мекеме-уюмдар иштейт? (Тизме)

21-майдан тартып бир катар ишкана, мекемелерге иштөөгө уруксат берилет.

Алар төмөнкүлөр:

-Калкты тейлөө борборлору, паспорттоштуруу жана жарандык актыларды каттоо бөлүмдөрү, “Унаа” мамлекеттик мекемеси;

-Калкты тиричиликтик жактан тейлөө борборлору: бут кийим, саат оӊдоо, эмерек чогултуу жана оӊдоо;

-Соода-сатык чөйрөсү:

-Соода борборлору ( соода-оюн-зоок борборлорунда жайгашкан балдар оюн-зоок жайларынын, оюн аянтчаларынын, коомдук тамактануу (фуд-корт) түйүндөрүнүн ишин кошпогондо;

азык-түлүк эмес товарларды сатуу дүкөндөр жана пункттар (мурунку баскычтарга кирбеген түрлөр);

-автоунаа базарлары;

-мал базарлары.

-Менчик (жеке) репетиторлордун кызмат көрсөтүүлөрү;

-Менчик үй-бүлөлүк мончолордун жана СПА-борборлордун кызмат көрсөтүүлөрү (коомдук мончо жана сауналарды кошпогондо)

-Мейманкана ишмердүүлүгү, бассейн жана спорт залдарды кошпогондо.

Бул тууралуу коронавирустун алдын алуу жана ага каршы күрөшүү республикалык штабы билдирди.

11-майдан тартып республика боюнча өзгөчө кырдаал режими күчүндө калды.

Буга чейин 11-майдан баштап бир катар ишкана-мекемелерге иштөөгө уруксат берилип, өкмөт алардын тизмесин берген. Ал тизме жаңыланган.

11-майда “Коомдук саламаттык сактоо жөнүндө” жана “Жарандык коргонуу жөнүндө” КР мыйзамдарына өзгөртүүлөр күчүнө кирген.

Инфекциялык оорулардын пайда болуу жана жайылуу коркунучу келип чыккан учурда убактылуу чектөө иш-чаралары (карантин) киргизилген,