Коронавирустан айыккандан кийин анын кайталанган учурлары катталган жок
- 4 года мурун
Кыргызстанда коронавирустан айыккандан кийин кайталап ооруган учур боло элек.
Бул тууралуу саламаттык сактоо министринин орун басары Нурболот Үсөнбаев билдирди.
-Коронавирустан айыккандан кийин анын кайталанган учурлары катталган жок, -деди ал.
27-апрелге карата республикада бир сутка ичинде 25 бейтап ооруканадан айыгып чыкты. Нарын облусунда – 16, Жалал-Абад облусунда-4, Бишкек шаарында – 2, Ошто – 2, Ош облусу – 1 бейтап.
Республика боюнча бүгүнкү күнгө чейин жалпы 395 бейтап айыгып, ооруканадан чыгарылды.
27-апрелге карата республика боюнча СOVID-19 инфекциясынын жаңы 13 учуру катталып, жалпы саны 695ке жетти.
Муну бөлүшүү
