Санитардык-карантиндик посттор кайсы жерлерде коюлат?

Кыргызстандын аймагында 14 санитардык-карантиндик пост орнотулат:

Баткен облусунда – 1 пост (Караван айылы);

Ош облусунда – 4 пост (Кара-Суу районунун Жапалак жана Мады айылдары, Өзгөн районунун Ана-Кызыл айылы);

Жалал-Абад облусунда – 1 пост (Чычкан посту);

Талас облусунда – 1 пост (Талас районунун Көпүрө-Базар айылы);

Нарын облусунда – 1 пост (Кочкор районунун Сары-Чат айылы);

Ысык-Көл облусунда – 1 пост (Кубакы посту);

Чүй облусунда – 5 пост («Сосновка», «Маловодное», «Киргшелк», «Ак-Жол», Алматы-айланма жол посттору).

Санитардык-карантиндик посттор 2 нөөмөттө күнү-түнү иштешет.

Аталган посттордо ӨКМ, ИИМ органдарынын, саламаттык сактоо министрлигинин кызматкерлери, жергиликтүү бийлик органдары болот.

Бул тууралуу коронавирустун алдын-алуу жана жайылышына жол бербөө боюнча республикалык штабы билдирди.

Бүгүн Кыргызстанга өзгөчө кырдаал киргизилди.

Кыргызстанда Ноокат, Сузак, Баткен райондорунда жана Бишкек шаарында коронавирусту жуктуруунун 14 учуру катталды.

Сүрөт: республикалык штаб.