Журналист Абдувахаб Мониев 48 жаш курагында көз жумду
- 2 года мурун
Журналист Абдувахаб Мониев 48 жаш курагында көз жумду.
Журналисттин жакындарынын билдиришинче, ал оорудан улам каза тапты. Сөөгү 25-февралда өзү туулуп-өскөн айылга коюлат.
Абдувахаб Мониев 1974-жылы Оштогу Араван районуна караштуу Чөгөм айылында туулган. Ош мамлекеттик университетинин филология факультетин 1998-жылы аяктаган.
Журналист эмгек жолун 1992-жылы Ош облустук «Ош жаңырыгы» гезитинде корректор болуудан баштаган. Андан соң Чөгөм орто мектебинде лаборант, «Асаба», «Агым» гезиттеринде кабарчы болгон. «Учкун», «Ош жаңырыгы» жана «Эркин-Тоо» басылмаларынын башкы редактору кызматын аркалаган.
Абдувахаб Мониев журналистикадан сырткары коомдук-саясий иштерге активдүү аралашып жүргөн. Ал бир катар китептердин автору, «Генерал Ысакбек» патриоттук демилгелерди колдоо коомдук фондунун президенти болгон.
