ЖК депутаттыгына талапкер болуу ниетин билдирип, БШКга жети киши арыз берди  

Бүгүн, 3-октябрда, Жогорку Кеңештин депутаттыгына талапкер болуу ниетин билдирип, БШКга арыз бергендердин саны жети кишиге жетти. Бул тууралуу БШК сайтында маалымдалды.

Алар:

1. №23 шайлоо округунан Жогорку Кеңештин депутаты Элвира Сурабалдиева;

№4 шайлоо округунан Мамадумаров Ахмеджан, пенсионер;

№2 шайлоо округунан Абсатаров Азамат, Жогорку Кеңештин кызматкери;

№15 шайлоо округунан Керимбаев Мураталы, убактылуу иштебейт;

№24 шайлоо округунан Карыбек уулу Улукбек, Бишкек шаардык кеңешинин депутаты

№1 шайлоо округунан Набиева Асель, Жогорку Кеңештин кызматкери.     

№22 шайлоо округунан Ибрагимов Болот, Бишкек шаардык кеңешинин депутаты. (Баш сүрөт)

Жогорку Кеңештин депутаттарын мөөнөтүнөн мурда шайлоо 2025-жылдын 30-ноябрына, жекшембиге дайындалды. Президент Садыр Жапаров Жогорку Кеңештин депутаттарын мөөнөтүнөн мурда шайлоону дайындоо жөнүндө жарлыкка 30-сентябрда кол койду.

25-сентябрда Жогорку Кеңеште парламенттин өзүн өзү таркатуу мыйзамы кабыл алынды. Добуш берүүнүн жыйынтыгында, катышып жаткан 89 депутаттын 84ү макул деп добуш берди. Каршы добуш бергендер болгон жок.

Сүрөттөр: shailoo.gov.kg

Башкы сүрөт: Ибрагимов Болот