Жайыл районунда 31,5 га жер мамлекетке кайтарылды
- 1 месяц мурун
- Видео
Чүй облусунун Жайыл районундагы мурда “Буудай” компаниясына тиешелүү болгон 31,5 га жер тилкеси төмөндөтүлгөн нарк боюнча чыгарылгандыгы аныкталды.
Улуттук коопсуздук мамлекеттик комитетинин (УКМК) басма сөз кызматы билдиргендей, 2007-жылы мамлекеттик органдардын айрым кызмат адамдары кызматтык ыйгарым укуктарынан кыянат пайдаланып, Чүй облусунун Жайыл районундагы Ак-Башат айылынын аймагында жайгашкан 31,5 га өлчөмүндөгү «Аэродром» жер участогунун учуу-конуу тилкесин жана химикаттарды сактоочу кампасын, ошондой эле «Буудай» компаниясына таандык башка курулуштарды 185 миң сомго мыйзамсыз алып чыгышкан.
2024-жылдын 14-августунда жүргүзүлгөн ыкчам-иликтөө иш-чараларынын жыйынтыгында болжолдуу баасы 470 млн сомду түзгөн аталган жер тилкеси мамлекеттин балансына кайтарылды.
Сүрөт: УКМК басма сөз кызматы
