Токмок шаарында аялдын өлүмүнө байланыштуу шектүү кармалды
- 9 часов мурун
- Жаңылыктар
25-сентябра болжол менен саат 18:10 чамасында Токмок шаардык ички иштер башкармалыгынын нөөмөт бөлүмүнө Жантаев көчөсүндөгү үйлөрдүн биринен аял кишинин сөөгү табылгандыгы тууралуу билдирүү түшкөн.
Анда 1953-жылы туулган С.И. аттуу аялдын денесинде зомбулуктун белгилери бар экендиги аныкталган.
Аталган факты боюнча 25-сентябрда Кылмыш-жаза кодексинин 122-беренесинин 2-бөлүгүнүн 7-пункту менен кылмыш иши козголгон.
Жүргүзүлгөн иш-чаралардын натыйжасында кылмышка шектүү катары 1998-жылы туулган И.А. аттуу жаран кармалып, 11-октябрда Токмок ШИИБ убактылуу кармоочу жайына киргизилген.
Учурда кылмыш иши боюнча тергөө амалдары улантылууда.
Сүрөттө: Шектүү. Токмок ШИИБ
Муну бөлүшүү
