Visa жана MBANK Кыргызстанда She’s Next демилгесинин биринчи этабын баштады

Visa — дүйнөлүк санариптик төлөмдөрдүн лидери, MBANK менен бирге Кыргызстанда She’s Next аттуу ири демилгенин биринчи этабын баштаганын жарыялады. Бул демилге аялдардын ишкерлигин колдоого жана өнүктүрүүгө багытталган. Visa тарабынан кыргызстандык ишкер аялдарга 19 000 доллар грант берилет.

Visa жана MBANK бул тоскоолдуктарды жеңүүгө көмөк көрсөтүү максатында Кыргызстанда She’s Next демилгесинин биринчи этабын баштайт. Катышуучулар жаңы билимдерге, практикалык жардамга жана өз бизнесин өнүктүрүү мүмкүнчүлүктөрүнө ээ болушат.

Жалпы гранттык фонд — 19 000 АКШ доллары.

Бизнесин өнүктүрүп жаткан ишкер аялдар же жаңы баштоону ойлоп жаткан ар бир аял демилгеге катыша алат. Катышуу үчүн 19-октябрга чейин долбоордун платформасына катталуу керек. Катталгандан кийин катышуучуларга билим берүүчү видеолор жана тесттер жеткиликтүү болот. Алты видеону жана тестти ийгиликтүү бүтүргөн соң, бизнес-планды эксперттик баалоого тапшырууга мүмкүнчүлүк ачылат. Эксперттик комиссия мыкты 20 долбоорду тандайт. Алар Бишкекте өтө турган финалга чакырылат. Алты жеңүүчү өз бизнесин түзүү же өнүктүрүү үчүн акчалай грант алышат.

Кыргызстанда демилгелердин башталышына арналган иш-чарада MBANK аял ишкерлерге кошумча колдоо көрсөтөрүн жарыялады. Буга чейин эле банк аялдар үчүн онлайн насыяларды жеткиликтүү кылган. Эми She’s Next акциясынын катышуучулары үчүн андан да пайдалуу шарттар каралган.

«Активдүү бизнес» категориясындагы он финалист төмөнкү жеңилдетилген шарттар менен насыя алууга арыз бере алышат:

Күрөөсүз насыя: 500 000 сомго чейин, жылдык 14% менен.

Кепилдикке алынган насыя же автотранспортту күрөөгө коюу: 750 000 сомго чейин, жылдык 14% менен.

Кыймылсыз мүлккө насыя:

Кыргыз сомунда: 18 айга чейин — жылдык 6%; 36 айга чейин — жылдык 8%; 60 айга чейин — жылдык 10% ;

АКШ долларында: 36 айга чейин — жылдык 6%; 60 айга чейин — жылдык 8%.

Кыргызстандагы She’s Next демилгесинин биринчи толкунуна кантип катышса болот?

Ишкер айымдар She’s Next платформасында каттоодон өтүшү керек. Арыздарды кабыл алуу 3-сентябрда башталат.

Жаңылыктар жана этаптар боюнча маалыматтар долбоордун сайтында жана Visa менен MBANKтын Instagram баракчаларында жарыяланат.

Маалымат үчүн:

Visa (NYSE: V) – санариптик төлөмдөр тармагындагы дүйнөлүк лидер.

MBANK — Кыргызстандын биринчи санариптик банкы. Улуттук банктын #014 лицензиясы менен иштейт.