Вьетнамда бир катар документтерге кол коюлду

Министрлер кабинетинин төрагасы Адылбек Касымалиевдин Вьетнамга расмий сапарынын алкагында бир катар эки тараптуу документтерге кол коюлду.

МинКаб сайтында мындай документтерге кол коюлгандыгы айтылат:

— Кыргыз Республикасынын Министрлер Кабинети менен Вьетнамдын өкмөтүнүн ортосундагы билим берүү жаатында кызматташуу жөнүндө макулдашуу;

— Эки өлкөнүн Юстиция министрлигинин ортосундагы укуктук кызматташтык жөнүндө өз ара түшүнүшүү жөнүндө меморандум;

— Жарандык Авиация мамлекеттик агенттиги менен Вьетнамдын жарандык авиация башкармалыгынын ортосундагы өз ара түшүнүшүү жөнүндө меморандумга кол коюлду.

Министрлер кабинетинин төрагасы Адылбек Касымалиев Вьетнамдын премьер-министри Фам Минь Тинь менен жолугушту.

Сүрөт: gov.kg