USAIDдин колдоосу менен Кыргызстандын айыл чарба компаниялары Өзбекстанга экспорт келишимдерине кол коюшту

Өткөн жумада, АКШнын эл аралык өнүктүрүү агенттигинин (USAID) колдоосу менен Кыргызстандын айыл чарбасынын он ишканасы Ташкент шаарында өткөн UzFood-2022 көргөзмөсүнө катышты.

Бул тууралуу АКШнын Кыргызстандагы элчилиги билдирди.

Эл аралык азык-түлүк көргөзмөсүндө кыргыз компаниялары Өзбекстандын соода түйүндөрү жана тамак-аш жана суусундуктар менен алек ишканалар менен жолугушту.

Кыргызстандын ишканалары мөмө-жемиштерди, эт жана сүт азыктарын экспорттоо боюнча 20 келишимге кол коюшту. Эң ири келишимдер 1,7 миң тонна алма жана 100 тонна жаңгак жана мисте экспорттоо боюнча түзүлдү.

Кыргызстандын делегациясынын курамына «Бай-Дыйкан», «Ишкер KG», «Келечек» кооперативдери, ошондой эле «Обид Файз» ЖЧКсы, «Ала-Бука Кыргыз-Эт» ЖЧКсы, «Абил» логистикалык борбору, Якубжон Алимжанов, Алмазбек Суранов, Дуулатов, Суранов Алмазбек жана Хадия жеке чарбасы киришти. Ишканалар Ош жана Жалал-Абад облустарынын айыл чарба азыктарын: алма, кара өрүк, мисте, жаңгак жана жаңгак майын, ошондой эле эт жана сүт азыктарын, шире жана суусундуктарды тартуулашты.

«Бул биздин ишкерлер үчүн Өзбекстандык өнөктөштөр менен жолугушууга, бизнес-идеяларды алмашууга, агрардык секторду өнүктүрүүнүн алдыңкы бизнес тенденциялары, тамак-аш өндүрүшү, ошондой эле технологиялар жана инновациялар менен таанышууга жакшы мүмкүнчүлүк түзөт», –деди Салтанат Эрбаева, кургатылган мөмө-жемиштерди кайра иштеткен Дуулатов ишканасынын өкүлү.