«УКМК кызматкеримин» деп калп айтып, акча опузалаган жаран кармалды
- 2 года мурун
Талас облусунун соту жана прокуратурасы тарабынан оң чечим чыгарууга көмөк көрсөтүп берем деп, Т.Г.М. аттуу жарандан 300 миң сом талап кылган Ж.Т.Ш. аттуу жаран Улуттук коопсуздук боюнча мамлекеттик комитети (УКМК) тарабынан кармалды.
Бул тууралуу УКМК басма сөз кызматы билдирди.
Опуза учурунда Ж.Т.Ш. өзүн УКМК кызматкеримин деп калп айткан жана опузалаган акчанын 200 миң сомун алып жаткан учурунда кармалды.
Ал жаранга алдамчылык беренеси боюнча кылмыш иши козголду.
Сүрөт: УКМК басма сөз кызматы.
Муну бөлүшүү
