УКМК: Баңгизатты ири өлчөмдө сатууга аракеттенген чет элдик жаран кармалды
- 2 года мурун
Улуттук коопсуздук мамлекеттик комитети (УКМК) тарабынан Кыргыз Республикасынын аймагында баңгизаттарды аныктоо жана бөгөт коюу боюнча жүргүзүлгөн ыкчам иш-чаралардын жүрүшүндө чет өлкөлүк жаран кармалды.
УКМК кылмыш-жаза кодексинин 282-беренеси (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) менен козголгон кылмыш иши боюнча жүргүзүлгөн ыкчам-тергөө иш-чараларынын алкагында, өзгөчө ири өлчөмдөгү баңгизатын (жалпы салмагы 2,98 кг. гашиш) сатууга аракет кылып жаткан учурда Н.К.М. аттуу чет элдик жаран кармалган.
Азыркы учурда кармалган адам кылмыш-жаза процессуалдык кодексинин 96-беренесине ылайык УКМК тергөө камак жайына киргизилди.
Муну бөлүшүү
