Тышкы иштер министрлигине караштуу “Е-Дипломат” мамлекеттик мекемеси түзүлдү
- 11 месяцев мурун
Министрлер кабинети тышкы иштер министрлигине караштуу “Е-Дипломат” мамлекеттик мекемесин түзүү жөнүндө токтом кабыл алды. Тиешелүү токтомго Министрлер кабинетинин төрагасы Адылбек Касымалиев кол койду.
Документ президенттин 2025-жылдын 19-июнундагы Тышкы иштер министрлигине караштуу “Е-Дипломат”мамлекеттик мекемесин түзүү жөнүндө жарлыгын ишке ашыруу максатында иштелип чыкты.
Токтом менен Тышкы иштер министрлигине караштуу “Е-Дипломат” мамлекеттик мекемеси жөнүндөгү жобо жана мамлекеттик мекеменин чектүү штаттык саны бекитилди.
Мекеме Кыргыз Республикасынын дипломатиялык кызмат органдарынын ишмердүүлүгүн уюштуруу-техникалык жактан коштоо иштерин жүргүзөт, ошондой эле санариптик инфраструктуранын жана маалыматтык системалардын иштешин жана өнүгүшүн камсыз кылат.
Сүрөттө: ТИМ
