Төө-Ашууда оор жүк ташуучу унааларга чектөө киргизилди
- 1 год мурун
Бишкек – Ош унаа жолунда оор жүк ташуучу унаалардын өтүүсүнө чектөө киргизилди. Жол тыгыны катталган жок. Бул тууралуу өзгөчө кырдаалдар министрлиги (ӨКМ) билдирди.
Бүгүн таңкы саат 6:40ка карата, Бишкек — Ош унаа жолунун ашууларында кар тазалоо иштери жүргүзүлүүдө. Бишкек — Ош унаа жолунун Төө-Ашуу ашуусунда №9 жол тейлөө ишканасынан 12 жолчу, экиден грейдер, жүктөгүч, самосвал жана ички иштер министрлигинен (ИИМ) үч кызматкер иш алып барууда.
Ошондой эле Ала-Бел ашуусунда, Суусамыр — Талас — Тараз унаа жолунун Өтмөк ашуусунда да тазалоо иштери жүргүзүлүп жаткандыгы айтылды.
Сүрөт: ӨКМ
Муну бөлүшүү
