Кыргызстандык окуучулар физика боюнча эл аралык олимпиадада үч коло медаль жеңип алды
- 3 года мурун
Кыргызстандын окуучулары 8-13-ноябрда Өзбекстандын Фергана шаарында онлайн жана офлайн форматтарда болуп өткөн Ахмад аль-Фергани атындагы физика боюнча эл аралык олимпиадада (IAFPhO 2021) 3 коло медалга ээ болду.
Мелдешке 19 өлкө катышты. Биздин өлкөбүз офлайн форматта катышты.
Олимпиадага 8 окуучуну мугалимдерден Садирбек Муратов, Доктурбек Кудашов жана Сүйүн Умаров коштоп барышкан.
Олимпиаданын жыйынтыгы боюнча 11-класстын окуучулары Денис Сапарбек уулу (Кадамжай), Нияз Жусупбеков (Жалал-Абад) жана Бекали Гартман (Чүй) коло медаль жеңип алышты.
Бул тууралуу билим берүү жана илим министрлигинин басма сөз кызматы кабарлады.
Муну бөлүшүү
