Статком: Кыргызстанда ар бир бешинчи ымыркай расмий никесиз төрөлөт
- 3 года мурун
Кыргызстанда ар бир бешинчи ымыркай расмий никесиз төрөлөт. Бул тууралуу Улуттук статистика комитетинин расмий сайтында айтылат.
Улуттук статистика комитетинен билдиришкендей, 2020-жылы жаңы төрөлгөн ар бир бешинчи наристе расмий никеси жок энелерден төрөлгөн. Алардын ичинен 15 миң бала ата-энелеринин биргелешкен арызынын негизинде каттоодон өтүшкөн. Ал эми дагы 15 миңге жакын бала энесинин арызынын негизинде каттоодон өткөн. Бул балдар атасыз үй-бүлөдө тарбияланышы ыктымал.
Статкомдогу маалыматтарга ылайык, никесиз төрөлгөн балдар негизинен 20–35 жаш курактагы энелерден төрөлүп жатат.
Муну бөлүшүү
