Шашылыш билдирүү: Ашууларда кар көчкү түшүүсү күтүлөт
- 1 месяц мурун
15-апрелден 19-апрелге чейин ашууларда кар көчкү түшүүсү күтүлөт. Бул тууралуу Өзгөчө кырдаалдар министрлиги шашылыш билдирүү таратты.
«15-апрелден 19-апрелге чейин күтүлүп жаткан жаан-чачынга жана аба ырайынын температурасынын жогорулашына байланыштуу Кыргызстандын тоолуу райондорунда, Балыкчы-Казарман-Жалал-Абад унаа жолунун 326-349-чакырымдарында, Көк-Арт ашуусунда жана Каракол-Эңилчек унаа жолунун 70-90-чакырымдарында, Чоң-Ашууда кар көчкү түшүүсү жана кар күрткүсү күтүлөт. Жолдор тайгак болуп муз тоңот. Унаалардын ортосунда 500 метр аралык кыймыл чектелиши зарыл» деп айтылат маалыматта.
Иллюстрациялык сүрөт: Интернет булактарынан
Муну бөлүшүү
