Салык жана сом сөздөрүн символдоштурат. Салык кызматынын имаратынын курулушуна мезгил кутусу салынды

2 месяца мурун

Бүгүн, 7-июнда, мамлекеттик салык кызматынын жаңы имаратынын курулушуна мезгил кутусу салынды.

Аземге катышкан Министрлер кабинетинин төрагасы Акылбек Жапаров мындай деди:

Акылбек Жапаров салык кызматы мамлекеттин негизги өнөктөшү экенин өз иши менен далилдегенин баса белгиледи. Соңку үч жылда салык кызматы акыркы 30 жылда байкалбаган 100 миллиард долларлык тарыхый чекти эки жолу ашып өттү (2021-жылы – 105,7 миллиард сом, 2024-жылы – 232 миллиард сом).

«Жаңы жети кабаттуу имарат уникалдуу архитектурага ээ болот. Ал куш учкан бийиктиктен караганда, улуттук валютабыз – сомду символдоштурган “С” тамгасынын жана “Салык” сөзүнүн биринчи тамгасынын формасында көрүнөт. Мындан тышкары, имараттын өзү биринин үстүнө тизилген тыйындар болот, бул дагы туруктуулукту билдирет» деди ал.

Жаңы имаратка мамлекеттик салык кызматынын борбордук аппаратынын, аналитикалык борбордун, ситуация борборунун, дата борборунун жана ишкерлерди тейлөө борборунун кызматкерлери жайгашат.

Министрлер кабинетинин башчысы курулуш иштерин сапаттуу жана өз мөөнөтүндө жүргүзүүнү тапшырып, салык кызматынын жаңы имараты жалпы жетишкендиктердин жана жаркын келечекке умтулуунун символу болоорун кошумчалады.