Садыр Жапаров Шавкат Мирзиёев менен телефон аркылуу сүйлөштү
- 1 месяц мурун
Президент Садыр Жапаров бүгүн, 10-февралда, Өзбекстандын президенти Шавкат Мирзиёев менен телефон аркылуу сүйлөштү.
Бул тууралуу президенттин расмий сайтында маалымат жарыяланды.
Маалыматта “сүйлөшүүнүн жүрүшүндө тараптар кыргыз-өзбек достук, ынак коңшулаштык жана ар тараптуу стратегиялык өнөктөштүк мамилелерин мындан ары кеңейтүү жана бекемдөө маселелерин талкуулашты. Мамлекет башчылар эки өлкөнүн ортосундагы соода жүгүртүүнүн туруктуу өсүү динамикасын, ошондой эле ири инфраструктуралык долбоорлорду ишке ашыруунун жүрүшүн канааттануу менен белгилешти. Анын ичинде өнөр жай кооперациясы, Кытай – Кыргызстан – Өзбекстан темир жолунун курулушу жана “Камбар-Ата ГЭС-1”долбоору өзгөчө белгиленди. Ошондой эле лидерлер регионалдык күн тартибиндеги актуалдуу маселелер боюнча пикир алмашып, алдыдагы эки жана көп тараптуу иш-чаралардын графигин карап чыгышты” деп айтылат.
Сүрөт: president.kg
