Садыр Жапаров Баку шаарында Ильхам Алиев менен жолугушту
- 2 года мурун
Президент Садыр Жапаров бүгүн, 20-апрелде, Баку шаарында Азербайжандын Президенти Ильхам Алиев менен тет-а-тет форматында сүйлөшүүлөрдү өткөрдү.
Бул тууралуу президенттик аппараттын басма сөз кызматы билдирди.
Мамлекет башчылары кыргыз-азербайжан эки жана көп тараптуу кызматташтыгынын учурдагы абалын жана келечегин талкуулашты.
Ильхам Алиев өз сөзүндө азербайжан тарап кызматташуунун бардык багыттары боюнча жигердүү кызматташууга умтуларын белгиледи.
Көптөгөн документтерге, анын ичинде башкысы – стратегиялык өнөктөштүк жөнүндө декларацияга кол коюлуп, ал кыргыз-азербайжан мамилелерин сапаттык жаңы деңгээлге көтөрүлөрү айтылды.
Садыр Жапаров Азербайжан менен эки тарапты кызыктырган бардык тармактарда кызматташууну тереңдетүүгө даяр экенин билдирди.
Көзмө-көз жолугушуудан кийин сүйлөшүү кеңейтилген курамда улантылат.
Сүрөт: Президенттин басма сөз кызматы.
