«Радуга» пансионатындагы мушташ боюнча териштирүү башталды
- 2 года мурун
Ысык-Көлдөгү «Радуга” пансионатында болгон мушташ боюнча териштирүү башталды. Мушташка катышкан 18 киши ички иштер бөлүмүнө алынып келинген.
Бул тууралуу Ысык-Көл облусунун ички иштер башкармалыгынын басма сөз кызматы билдирди.
Маалыматта кабарлангандай, 29-июнда саат 12:15 те Ысык-Көл районунун нөөмөт бөлүмүнө Сары-Ой айылында жайгашкан “Радуга” пансионатынын пляжында мушташ чыкканы тууралуу маалымат түшкөн. Милиция кызматкерлери болгон окуяны териштирүү үчүн жөнөп кеткен. Мушташкан 18 киши Ысык-Көл районунун ички иштер башкармалыгына жеткирилген.
Буга чейин социалдык тармактарда «Радуга» пансионатында жергиликтүү тургундар менен коопсуздук кызматынын кызматкерлеринин ортосунда мушташ чыкканы тууралуу кабарланган.
Сүрөт: Видеодон.
Муну бөлүшүү
