Орус композитору Родион Щедрин көз жумду
- 11 месяцев мурун
Орус композитору Родион Щедрин 93 жаш курагында көз жумду. Бул тууралуу Мариин театрынын басма сөз кызматы кабарлады.
Родион Щедрин 1932-жылы 16-декабрда Москва шаарында туулган. Москва консерваториясынын алдындагы борбордук музыкалык мектептен, хор окуу жайынан, консерваториядан окуган.
Родион Щедрин көптөгөн опера, балет, симфонияларды жазган, алардын арасынан Биринчи симфония, “Конек-горбунок”, “Кармен-сюита” балеттери ж.б. кеңири белгилүү.
Щедрин 20 жылдай Россиянын композиторлор союзун жетектеген, СССРдин жана Россиянын Жогорку Советинин депутаты болуп шайланган.
1981-жылы СССРдин эл артисти наамын алган, Ленин сыйлыгынын, СССРдин мамлекеттик сыйлыгынын жана Россиянын мамлекеттик сыйлыгынын эки жолку лауреаты болгон.
Родион Щедрин балерина Майя Плисецкаяга үйлөнгөн. (Плисецкая 2015-жылы каза тапкан).
Сүрөттө: Родион Щедрин culture.ru
