Олимпиада күндөлүгү: Айаал Лазарев коло медаль үчүн күрөшөт
- 1 месяц мурун
Бүгүн, 10-августта, Париж Олимпиада оюндарында Айаал Лазарев коло медаль үчүн күрөшүүгө мүмкүнчүлүк бере турган көңүл жубатуучу беттешке чыкты. Ал эркин күрөш боюнча мелдешке 125 килограммга чейинки салмак ченинде катышып, канадалык Амарвир Десини 5:0 упай менен жеңди. Эми ал коло медаль үчүн күрөшөт.
Айаал Лазарев кечки финалдык блокто коло байге үчүн Таха Акгүл менен күрөшөт.
Учурда Кыргызстандын куржунунда 1 күмүш, 3 коло медаль бар. Күмүш медалды эркин күрөшчү Мээрим Жуманазарова алып келди. Ал эми коло медалдарды күрөштүн грек-рим түрү боюнча таймашкан Жоламан Шаршенбеков, Акжол Махмудов жана Үзүр Жузупбеков жеңип алышты. Олимп оюндары 11-августта жыйынтыкталат.
Сүрөттө: Айаал Лазарев. Интернет булактарынан
Муну бөлүшүү
