Москвадагы “Сахарово” миграциялык борборунда 160 кыргызстандык кармалып турат
- 1 месяц мурун
Кыргыз Республикасынын акыйкатчысынын орун басары Айчүрөк Назаралиева Москва облусундагы “Сахарово” миграциялык борборуна дагы барды. Андагы убактылуу кармоочу жайда 160 кыргызстандык кармалып турат, алардын — 11и аялдар.
Бул тууралуу Акыйкатчы институтунун басма сөз кызматы билдирди.
Маалыматта айтылгандай, Россиянын миграциялык мыйзамдарын бузгандардан сырткары 11 кыргыз жараны оор эмес кылмышка шектелип кармалган. 3 аял пара берүүгө шектелип, 76 күндөн бери борбордо олтурат.
Кыргызстандыктар медициналык жардамга муктаждыгын билдиришти, бирок кармоо шарттарына жана тамак-ашка даттанышкан жок.
2024-жылдын 9 айында “Сахарово” борбору аркылуу 3928, 2025-жылдын 9 айында 2808 кыргыз жараны өлкөгө жөнөтүлгөн.
«Сахарово» — Москвадагы көп функциялуу миграциялык борбор, анда Россияда мыйзамдуу жашоого жана иштөөгө документтерди толтурат,
Сүрөт: Интернет булактарынан
