Мисирге сапар: Бир катар документтерге кол коюлду

Президент Садыр Жапаровдун Мисир Араб Републикасына болгон расмий сапарынын жыйынтыгында 5-ноябрда кыргыз-мисир биргелешкен өз ара аракеттенүүсүн арттырууга багытталган бир катар эки тараптуу документтерге кол коюлду.

Бул тууралуу президенттин сайтында маалымат жарыяланды.

Төмөнкү документтерге кол коюлду:

— Кыргыз Республикасынын Министрлер кабинети менен Мисир өкмөтүнүн ортосундагы дипломатиялык, кызматтык жана атайын паспорттордун ээлери үчүн визалык талаптарды өз ара жокко чыгаруу жөнүндө макулдашуу;

— Министрлер кабинети менен Мисир өкмөтүнүн ортосундагы экономикалык, илимий жана техникалык кызматташуу жөнүндө макулдашуу;

— Айыл чарба жаатында кызматташуу жөнүндө макулдашуу;

— Жогорку билим берүү чөйрөсүндө кызматташуу жөнүндө макулдашуу;

— Энергетика министрлектеринин ортосундагы электр энергиясы жана энергиянын кайра жаралуучу булактары жаатында кызматташуу боюнча өз ара түшүнүшүү жөнүндө меморандум;

— Инвестициялар боюнча өз ара түшүнүшүү жөнүндө меморандум;

— Дин иштери жана этностор аралык мамилелер боюнча улуттук агенттик менен Мисир вакф (кайрымдуулук) министрлигинин ортосундагы өз ара түшүнүшүү жөнүндө меморандум;

— Улуттук банк менен Мисир Борбордук банкынын ортосундагы өз ара түшүнүшүү жөнүндө меморандум.  

Сүрөттө: Садыр Жапаров Мисирдин президенти Абдель Фаттах Ас-Сиси менен жолугушуу учурунда. president.kg