Милиция кызматкери пара опузалоого шектелип кармалды

Улуттук коопсуздук мамлекеттик комитетине (УКМК) чет өлкөлүк жарандан ИИМдин кылмыш иликтөө башкы башкармалыгынын кызматкери тарабынан жасалган мыйзамсыз аракеттер тууралуу арыз түшкөн. Арыз ээсинин айтымында, 2025-жылдын февраль айынын аягында милиция кызматкери аны кылмыш жоопкерчилигине тартам деп коркутуп, 5000 АКШ долларын талап кылган.

Ички иштер министрлигин (ИИМ)  басма сөз кызматы билдиргендей, аталган факты боюнча кылмыш-жаза кодексинин 343-беренесинде (опузалап пара талап кылуу) каралган кылмыштын белгилери боюнча кылмыш иши козголгон.

УКМКнын ИИМдин ички иликтөө кызматы биргелешип өткөргөн ыкчам-иликтөө иш-чараларынын жүрүшүндө, Бишкек шаарында ИИМдин кылмыш иликтөө башкы башкармалыгынын улук ыйгарым укуктуу кызматкери Ж.М. кармалган.

Кармалгандан кийин тинтүү жүргүзүлгөн. Шектүү УКМКнын тергөө абагына киргизилди.

Сүрөт: ИИМ басма сөз кызматы